■ SAC miakpi kah mi ruang ah Hakha khuami pakhat nunnak a liam
March 24 ah palek bo hnih rank a si mi Kyaw Lin Oo cu Chinland Defense Force – Hakha (CDF-Hakha) nih an tlaih tiah theih a si.
“Amah sin in ralhraang cawlcangh, ṭhutdir ning thil tampi zong kan theih,” tiah CDF-Hakha nih a thanh.
Hakha khuapi chung ah kahdoh cawlcanghnak um lo in 2024 March 25 ah SAC ralhrang nih Hakha Pengkomh Palek Zung in hriamngan mizapi lei hoih in duh paoh an kah caah khuami pakhat a nunnak a liam pin ah ngakchia pahnih tel in khuami 4 nih hliamhma an tuar tiah CDF-Hakha nih thawngthanhnak ah a langhter.
“Ralhraang hna kan ram chung in ṭhio/hloh ding ah kan ṭuan cuahmah rih lai, kan doh cuahmah rih hna lai. Cucaah raal tei a duh mi kan miphun hawi hna nih fak piin kan ṭanpi rih u,” ti zong an ṭialchih.
Photo: CDF-Hakha
