Hakha khua ah a um mi Pengkomh Palik Zung cu nihin March 21 ah CDF-Hakha nih kan kah, tiah atu zaan ah CDF-Hakha nih thawngthanhnak a tuah.
Cu kahdohnak ah cun SAC ralkap lei nih hriampi tam ngai an hman nain Bawipa thawng in CDF-Hakha ralkap pawl an him, tiah an langhter.
Kap hnih i kahdohnak ah a thi mi le hliam a pu mi kong he pehtlai in “Nikhua a chiat caah le zan ah kahdoh a si caah a thi le hliamh mi fiang in hmuhtheih khawh a si lo. Mizapi nih nan kan dirkamhnak a lak kan siter lai lo tiah thawng kan in thanh hna,” tiah an langhter.
March 18 ah SAC ralkap nih Hakha khuachung sang cheukhat ah ralkap tlak nakding catlap an phitter hna caah CDF-Hakha nih SAC ralkap he rian a tuan mi pawl ralrin an pek hna.
Cun, March 18 in nihin March 21 tiang Hakha khuachung hmun cheukhat ah a um mi SAC ralkap pawl cu CDF-Hakha nih pehzul in an kah hna, tiah thawng kan theih.
