CDF CDM Siyin min ningcang lo in a hmang i khuachung mi le khualtlawng hna sin ah tangka a khawltu minung pahnih kan tlaih hna tiah Chinland Defense Force / Civic Defense Militia (CDF/CDM Siyin) nih nihin April 25 ah zapi sin theihternak a tuah.
Bu min ningcang lo in a hmang i mizapi sin tangka a haltu hna cu Min Pum Kim (Kum 34) le Pum Ngin (Kum 33) an si tiah theih a si.
A luancia April 20 ah Tedim khua chung ah an lut i bu min in zapi sin ah an hal hna pin ah, April 4 ah Akluai khuate ah khualtlawng an kham hna i tangka an hal hna tiah an langhter.
Cu hna pahnih nih cun, Taingen kahdohnak a dih ka lio zong ah khan bu thilri cheukhat fir in an rak zuar caah tlaih le ralrin pek an rak si bal cang ti zong ca chung ah an langhter.
Tualchung khua upa hna he i ceihmai dih hnu ah a donghnak bik ralrin peknak he tlaih an si tiah theih a si.
Hi hnu zong ah hi bantuk in bu min le dohthlennak a hnursuang kho mi tuahsernak a um ahcun mizapi he i bawm in faakpi in hremnak pek an si lai ti zong Chinland Council chungtel a si mi CDF CDM Siyin nih an thanhchih.
Photo: CDF CDM Siyin
