Magwe ramṭhen, Ngaphe peng ah CDF-Asho nih SAC ralkap (Sentry Conghnak) sakhaan pakhat an kah i SAC ralkap pakhat a thi, tiah CDF-Asho nih mizapi sin theihternak a tuah.
Nizaan May 30 zinglei sml. 7:30 ah khan Ngaphe peng, Syauhdaw khua pawng i SAC ralkap Sentry conghnak sakhaan cu CDF-Asho nih an kah i, SAC ralkap pakhat a thih hi si. MA meithal pakhat le kuan pawl zong CDF-Asho an laak khawh.
Hi sentry conghnak sakhaan ah a um mi SAC ralkap pawl nih hin Ngaphe peng ah a um mi mipi cu zalong te in tlunkalnak nawl an pek hna lo pin ah mipi an hrocer hna i tangka zong ningcang lo in an hal lengmang hna.
Cacaah atu bantuk hin CDF-Asho nih kan vung kah hnanak a si, tiah thawngthanhnak ah an langhter.
