2019-2020 cacawn kum sianginn khar caan ah CCU sianginn nih kumfatin tuah tawn mi internship cu COVID-19 zawtnak ruang ah an dinhter chung hna tiah March 26 ah kan theih.
Hi kong he pehtlai in internship lei tuanvo ngeitu Field Director Saya Abednego nih“A pakhatnak ah kan dinhternak hna a ruang cu Cozah nih nawl a chuah ca ah a si. Cu lawng si loin hi zawtnak hi a karh ning a ran tuk ca ah a si fawn. A pahnihnak a ruang cu internship a kai mi nulepa nih ralrinnak ca ah tiin an kan chimh pah lengmang. A ruang cu Thlanglei Chinram hna ah internship kal a hau mi an um tik ah a him deuh lo, tiin kan ngol chungnak a si. Thil sining zoh in hmailei ah internship cu thla khat le cheu chung an kal than te lai. Hi internship hi an kal ve lo ahcun degree lak tik ah credit mark 3 aa tel mi a si i a biapi ngaingai ve mi a si. Thil sining zoh in June thla chung hrawng ah an kal a hau te ko lai,” tiah Saya Abednego nih The Hakha Post ah a chim.
Tukum chung ah CCU internship kal ding mi hi an dihlak siangakchia 53 an si. Theology lei in minung 26, Liberal Art lei in minung 21 an si, tiah
