Chinland Council (CC) le Interim Chin National Consultative Council (ICNCC) i fonh in Chin National Council dirh ding ah kap hnih lungtlinnak an ngei tiah theih a si.
“Chinram chung Chinmi hna caah council pahnih um hi a tha lo tiah Chinland Council le ICNCC kap hnih nih kan zumh bantukin council pakhat ah i fonh ding in hnatlaknak kan ngei i, cu council min cu “Chin National Council” tiah auh ding in kan lung a tling,” tiah nihin February 26 ah cathanh an chuah.
Chin National Council a ran khawhchung in a dir khawh nakding ah phunghram a hran suaisamtu phu ser ding zong hnatlaknak an ngei tiah theih a si.
Miphun rualremnak caah a cunglei bantukin hnatlaknak ngeih mi cu Chinmi dihlak nih lunglawm tein cohlan ding zong CC le ICNCC nih forhfialnak an langhter.
Photo : CC
