CBCUSA General Secretary Rev. Dr. ThlaawrBawihrin nih Kalay Peng Tanbu khua le Yangyiaung khua le Haikhawl khua ah Tikhur an cawhter mi hna cu, 2019 June 5 ah a va zoh.
“Tanbu khua le Yangyiaung khua Tikhur an cawhter mi hi khur 6 le, Haikhawl khua ah khur 1 a si. A zate tangka a dih mi hi, Ks sing 80 hrawng a si. CBCUSA Lai Khrihfabu komh lutlai zung lei nih an kan cawhter mi a si,” ti in hi rian ah tuanvo pek mi CFB chungtel Rev.Dr. Chan Nawl nih The Hakha Post ah a chim.
CBCUSA nih hin Chin Funtomnak Bu(CFB) sin ah tuanvo an pek mi hna a si ca ah anmah CFB nih an tawlrel mi a si. Tutan CBCUSA, GS sin ah hin hmai kum khua hnih ca ah tikhur cawhpiak than ding in hal chap an timh. Cawh cang mi tikhur zohnak zong ahcun CFB upa nih an zulhkhalh hna.
“Haikhawl khua tikhur cawh mi hi Pe 250 thuk mi a si i, Believers Biakinn kulh chung ah cawh a si tik ah mizapi nih zalong tein ti than tik ah an luhchuah khawh nakding zong kha bia tiam an si. Yangyiaung le Tanphu tikhur tu hi cu, an khuabawi le CFB upa nih a rem an tinak hmun ah cawhpiak an si,” ti zong a cunglei upa nih a chimchih.###
