Matupi peng, Leising khuami pakhat cu Chin Brotherhood hawikom a si mi AA nih an kah i a phei a kiak tiah CDF-Matupi (Brigade-2) nih nizan June 24 ah zapi sin theihternak a tuah.
“2024 June 23 ah Paletwa lei in rallamsial in a ra mi AA ralkap 180 hrawng nih June 24, chun sml. 11:00 hrawng ah Matupi peng, Leising khua mi U Min Soe cu a ruang um lo in an kah i a phei a kiak,” tiah an langhter.
Cu bantuk in AA nih sualnak ngei lo khuami an kah mi cu CDF-Matupi (Brigade 1) le Chin Brotherhood bu nih AA ralkap pawl an thloh khawh hna lo caah a si i, sualnak ngei lo rammi hna raal bantuk in an kah mi hna cu faakpi in kan doh tiah cathanh an an ṭial.
