CB Bank, Hakha nih Chin Ramkulh Cozah sin ah COVID-19 dohnak ah tiin tangka sing 50 le Hakha COVID-19 Response Committee sin ah tangka sing 50 tiin a dihlak sing 100 bawmhnak a pek, tiah May 18 ah kan theih.
“Cozah sin ah hin tangka sing 50 a si. Cun, keimah pumpak in tangka Ks. 500,000 zong ka bawmh hna. Cun, Hakha COVID-19 Response Committee sin zong ah tangka sing 50 le keimah pumpak in Ks. 500,000 ka bawmh thiamthiam hna,” tiah Chin Ramkulh CB Bank Managing Director Pu Chum Ling (Rung Family) nih The Hakha Post ah a chim.
Pu Chum Ling hruainak in Chin Ramkulh Cozah siseh, Hakha COVID19 Response Committee siseh, tangka sing 100 (amah pumpak bawmh mi Ks. 1,000,000) pin ah Paletwa ralzaam hna zong Rung Family min iin tangka sing 50 bawmhnak a pek rih, tiah kan theih.
