Cambodia ram ah cat lo in ruah fak a sur ca ah tilian nih minung 24 nunnak a lak. Thli he ruah cat lo in zarhkhat leng fak ngai in a sur ca ah Cambodia khualipi Phnom Penh telh in fak ngai in rawhralnak a pha. Inn 60,000 (thong sawmruk) a rawk i, minung 245,428 le chungkhar 8,000 deng hrawng nih an hmunhma an zam tak. Cozah nih minung 26000 cu chanchauh an si tiah, Cambodia ramchung media nih an thanh.
Cambodia ram Prime Minister Hun Sen zong nih cawn ni 4 zan ah umnak a chuaktak mi hna sinah vehvatnak a va ngeih hna i, puan te hna a phawtzamh hna tiah Ramchung Media nih an thanh.
Khuati lei zohtu lei nihcun ruah hi pehzulh in a sur te kho men tiah mipi sinah ralrinnak an pek hna tiah theih a si.
Ref: VOA, MRTV
