Buthidaung peng chung SAC ralkap camp dihlak le TOC hmunpi kan laak cang tiah AA nih a thanh

Rakhine ramkulh, Buthidaung peng chung SAC ralkap camp dihlak in kan laak i, Buthidaung peng dihlak kan kutcung ah a um cang tiah AA nih a thanh.

Rakhine ramkulh, Buthidaung peng chung ah Tactical Operation Command-TOC (Bioha) hmunpi tel in SAC ralkap battalion a taang mi dihlak cu May 18 chun sml. 12:00 ah AA nih a laak dih cang tiah theih a si.

Nihin ah AA nih an laak mi camp hna cu: Buthidaung TOC hmunpi, 378^th miakpi battalion, LIB-234, LIB-345, LIB-352 hna tel in SAC ralkap battalion camp an si. May 14 ah LIB-353, LIB-535, LIB-263 le LIB-233 SAC battalion pali cu an rak laak cang. May 13 ah No. 3 ramri hngak palek battalion le May 16 ah No. 8 ramri hnak palek battalion zong an rak laak cang tiah theih a si.

SAC ralkap pawl cu khuate lei le Buthidaung peng chung ah an zaam caah tualchung mi hna nih ralring tein um ding zong AA nih a thanhchih.

Photo: AA