British ram nih tuzarh cacawn nihnih ni thawk in a ram mizapi hna cu COVID-19 zawtnak raikhamsii chunh hram a thawk cang tiah theih a si.
British ngandamnak zung lutlai Matt Hancock nih “tuni hi teinak kan co ni a si. UK ram ning in COVID-19 raikhamsii phawtzamh a si lai ni, cacawn ni hnih hi teinak kan co ni a si. Tihnung mi zawtnak tlangrai a hram in a loh lainak ni aa thawknak a si,” tiah Ngandamnak zung lutlai simi Matt Hancock nih a chim.
COVID-19 raikhamsii chunhnak kong he pehtlai in cat loin zohfelnak kan ngei lai, felfai tein kan zoh peng lai, tiah ngandamnak zung lutlai nih a chim chap. America le Germany BioNTech ibawm in an sermi Pfizer raikhamsii cu a voi khatnak bik British nihcun mizapi sin ah chunhnak hram a thawk cang. Hawi hlan ah kum khua upa lei hna le cozah riantuantu hna kha papek in chunhnak an tuah lai tiah theih a si. (Ref: VOA).
