Breaking News: Zahau Tlang ah Pa Lal Nei Thar a tlau
Falam khua chungah khuasa in aummi Pa Lal Nei Thar cu Khiangrawn khua, rian a tuannak hmun ah 2020 January 19 zaan ah a tlau tiah kan theih.
A tlaunak kong he pehtlaiin Khianghrawn khuami Cung Aa nih “Pa Lal Nei Thar hi Letpanchawng khua mi as ii, Falam ah khua an sa. Khianghrawn khua ahhin Tawlre cinnak lo vah dingin an sawm. Ni hnih a tuan i, a tuan man cu a liam cia 2020 JanuarY 19 ah a hlam i zarhpi zaan zaan lai 12:00 am tluk ah tlun ai thawhnak in a thawngpang kan thei kho ti lo” tiah The Hakha Post ah a chim.
Pa Lal Nei Thar cu a chungkhar hna nih a thawngpang an theih lo tik ah Darteti khua, Khuanglung khua ah siseh an kawl hawl colh ve. January 20 cacawn nikhat ni ahkhan hlan i a riantuannak hmun Bungzung lei ah a kali , a hawi le sin ah chikhat cu aa din ta. A hmawza le a lukhuh zong a chiah ta. Cun, a hawi le nih hin an chonh ko nain tha in a chawn hna lo tiah kan theih.
A hawi le a chungkhar hna nih an zumh ning ahcun Aikawn tupihmawng ah a tlau asi kho men tiah an zumh i, Falam mino le pawngkam khua hna sin ah bawmh an hal hna i kawlhawl dingin an i timh lio asi tiah kan theih.
