CDF Thantlang, Battalion 4 Zahnak CDF chung in ralkap minung panga hna cu, bomb nitlang an pho mi 2022 October 10 zinglei sang ah a puak i CDF minung panga hliam an tuar tiah theih a si.
Atu bomh a puak mi zong hi 2021 kum lio i Lungler ralhrang sakhan an rak laak lio ah ralhraang tunh cia mi an laak than mi a si tiah kan theih.
Hi kong he pehtlai in, “Bomb hi Lungler sakhan ah an hmanh mi kan rak laak mi a si. A rauh ngai cang ca ah nitlang ah kan pho. Nitlang aa pho lio ahcun ruah lo pi in a puak i a pawngkam um mi minung panga a hliamh hna,” tiah CDF ralkap min langhter duh lo pakhat nih THP ah a chim.
Aa hliam mi panga hna chung ah minung pakhat hi a paw ah a kheen i a hma a fak ngai. Cun, pakhat zong a kut a bul, a dang tu hi cu an hma a fak tuk lo tiah kan theih.
#TheHakhaPost
