AA nih a kah hna ruang ah Bangladesh ah a zaam mi Rakhine ramkulh um ramrihngak palek a tam uu tel in minung 330 cu tu zing ah Myanmar ram ah ti lawng in an rak kuat than cang hna tiah theih a si.
Bangladesh nih a rak kuat mi palek pawl lakah palek Colonel rank pakhat le Major rank an i tel. Myanmar lei kuat ding minung 330 lak ah a tam deuh cu palek an si i an chungkhar pawl zong an i tel.
Myanmar ram lei kuat thannak cu Cox’s Bazar District ah zinglei sml. 7:00 fai in an thawk i, Bangladesh ramri hngak ralkap Director le Myanmar Bangladesh Palai nih an tlangtlak hna tiah BBC nih a tial.
AA nih a kah hna ruang ah SAC kuttang ramri hngak palek le an chungkhar hna cu February 4 in 7 kar ah Bangladesh ram ah an zam i Bangladesh Cozah nih sianginn pahnih ah an chiah hna tiah theih a si.
