A luan cia 2024 April thla chung ah SAC ralkap le an hnuzul pawl nih khangh ruang ah Myanmar ram pumpi ah inn 3,960 a ciam tiah Data for Myanmar phu nih May 4 ah a thanh.
Cu chung ah cun Rakhine ramkulh, Buthidaung peng ah inn 1,500, Mandalay ramṭhen ah inn 1,220, Sagaing ramṭhen ah inn 997 le Magwe ramṭhen ah inn 229 an i tel.
Ralkap nih nawlngeihnak an laak hnu in a luan cia April 30 tiang, kum thum leng chung ah inn 88,373 khangh an si cang tiah Data For Myanmar nih an langhter.
Photo: Buthidaung khua inn kaang hmanthlak
