America ram ah coronavirus zawtnak ngei mi minung 25 million leng an si cang tiah Johns Hopkins university nih a langhter, vawlei cung ah COVID-19 zawtnak ngei mi hi minung 100 million tluk an si cang, a thi mi minung 2 million leng an si cang.
Vawlei cungah America ram ah hin COVID zawtnak hi a tambik, a thi mi hi minung sing 4 leng an si cang. America ram ahhin January thla hramthok ah cun ni khat ah COVID-19 zawtnak hmuh mi minung hi sing 2 leng an si, atu ahcun zawtnak hmuh mi an zawr deuh, ni khat ah 170,000 tluk hrawg lawng an si cang tiah theih a si.
America ram President thar Joe Biden nih President a tuan in ni 100 chungah COVID raikham sii America mizapi sinah chunh khawh ding in timh tuahnak a ngeih. Hi ni 100 chungah America ram minung 67 million caah COVID-19 kan i rungveng kho te men lai, tiah COVID zawtnak zohkhennak lei America ram mifim Dr. Anthony Fauci nih a chim.(Ref: VOA)
