Nihin May 28, zinglei sml. 8:00 hrawng ah Mizoram, Aizawl khuahriang lei Melthum sang ah vawlei mimhnak a chuak i minung 10 leng vawlei vor nih a phum hna, tiaht theih a si.
Atu tiang ah kum 6 tang ngakchia pahnih tel in minung 12 ruak hi an char khawh cang i, vawlei nih a phum mi hna a dang pawl zong an kawl cuahmah hna lio a si.
Hi vawlei mimhnak nih hin minung 14 hrawng a phum hna tiah an zumh i, Mizoram Chief Minister Pu Lalduhoma zong cu vawlei mimhnak hmun ah cun pumpak in a vung kal ve.
Mizoram ah Cyclone Remal ti mi thlichia a phan i ruah pehzul in a sur pin ah thli zong faak piin a hran chih caah hmun tampi ah vawlei cimhnak an chuak, tiah kan theih.
