Nizaan 2023 October 4, zanlei suimilaam 7:00 hrawng ah Aizawl District Special Branch (DSB) team nih Mizoram, Aizawl khua, Zamabawk East ah Myanmar mi pakhat cu rithaisii tampi he an tlaih tiah theih a si.
DSB in tuanvo ngeitu hna nih Zamabawk East ah motor pakhat an check i Myanmar ram, Khawmawi khuami ka si aa ti mi Ropianga, kum 37 kut ah Crystal Meth rithaisii Kg 11.6 an tlaih. Cu rithaisii an tlaih mi cu India tangka in nuai 340 man a si tiah tualchung media nih an tial.
Cun, nizaan thiamthiam ah Lengpui Airport, Aizawl ah Methamphetamine (Crystal Meth) Kg 10.4, India tangka in nuai 310 man cu Lalremthangi (kum 38) suitcase chung ah an tlaih tiah theih a si..
