Aithing hi ngandamnak ca ah a tha taktak mi a si. Pum a rit tuk mi hna ca ah reite haang he din a tha tuk mi a si. Asinain, ralrin taktak awk a si mi thil a um. Aithing hi ngandamnak ca ah a tha tuk ko nain mi vialte ca ah a tha thlu ve lo. Aithing a ei lo ding mi phun hna cu a tanglei bantuk minung hna hi an si lai.
Naupawi mi
Ti haang phun ah aithing paih i din cu a poinak a um lo nain aithing haang lawng din ti bantuk le aithing tam hi naupawi lio mi hna ca ah tih a nung. Cucaah naupawi lio mi nih cun aithing le thil dang cawh in din lo hrimhrim ding a si.
Pum a zaang tuk mi hna nih din lo ding
Aithing hi thlan a chuahtertu thil a si ve. Pum a zaang tuk mi nih a haang in din lo ding. A hel in tam lo ding. A fawinak cun pawng 100 tling lo mi nih ei lo ding.
Thi tha lo mi hna nih hrial ding
Thi lei zawtnak a ngei mi nih cun ei lo ding a si. Tahchunnak ah thi chuah a tam mi, thi kai a ngei mi ti bantuk hna nih ei lo ding. Aithing hi thi kal ning a remhtu a si ko nain thi a kaiter kho mi a si.
Sii lei in aa thlop lio mi hna nih hrial ding
Thi lei in zawtnak a ngei mi hna le thi thlum zawtnak a ngei mi hna nih cun hrial hrimhrim ding. A bik in cozah sii in a thlop lio mi nih hrial hrimhrim ding mi a si. (Ref: Healthcare)
