Rakhine ramkulh chung kahdohnak ah AA hriamtlai nih an tlaih mi SAC ralkap chungkhar nu le ngakchia pawl cu ṭha tein kan zohkhenh hna, tiah AA nih nihin March 4 ah an langhter.
Hliamhma a pu mi nu, ngakchia le SAC ralkap pawl thlopbulnak an tuah hna lio zong hmantlak ah an langhter.
“SAC ralkap nih tilawng, vanlawng le hriampi hmang in a kan kah lengmang caah harnak tampi a um. Asinain, cu bantuk harnak lak ah cun kan tlaih mi hna cu ṭha tein kan zohkhenh ko hna,” tiah AA nih a chim.
Hmanthlak an langhter mi hna cu SAC ralkap tilawng pathum pil lak in AA nih an kah lio ah an tlaih mi nu le ngakhcia hna le ralram kahdohnak ah tlaih mi SAC ralkap pawl an si, tiah an langhter.
Photo: AA Info Desk
