Chinram, Paletwa peng chung i, SAC ralkap sakhaan vialte cu Rakhine hriamtlai AA nih an lak dih hnu ah Paletwa peng vialte kan control cang, tiah January 14 ah thawngthanhnak an tuah.
Paletwa peng chung i SAC ralkap sakhaan pawl cu AA nih zarh tam nawn chung an doh hnu ah atu bantuk in an lak khawh hi a si.
Paletwa khuachung i SAC kut tang zung pawl ah AA thantar an tar mi hmanthlak pawl zong thawngthanhnak an chuahmi ah AA nih an langhter.
SAC ralkap nih an hman mi Armour Vehicle, miakpi le hriamnam tampi an lakmi hmanthlak pawl zong an langhter hna.
Paletwa peng chung ah kahdohnak ah AA lei le SAC ralkap lei in a nunnak a liammi le hliampu cazin belte thawngthanhnak ah an telh lo.
