Rakhine hriamtlai AA he ton biaruahnak ngeih ding in kan i zuam ko tiah February 6 ah Chinland Council (CC) nih a tuah mi Press Conference ah CC Secretary Salai Paul nih a chim.
Chinram chung ah AA nih hmunhma a laak mi kong he pehtlai in zei bantuk timhtuahnak dah a ngeih ti mi kong CC nih theih a duh caah AA he biaruahnak ngeih kan duh hi a si tiah a chim.
“ULA/AA nih hmunma a laak mi kong he pehtlai in zei bantuk timhtuahnak dah a ngeih ti mi le zei ruang ah Chinram ah hmun an khuar ti mi kong pawl kan i ceihmai khawh lo caah kannih zong fiang huaha loin kan um. Cucaah, ULA/AA he biaruahnak ngeih kan duh i, biaruah ding in ca zong kan pek,” tiah Salai Paul nih a chim.
AA nih CB a komh i kanmah Chinmi le Chimmi karlak ah raal bantuk dirhmun tiang kan phak hi thil tha lo ngai a si. Cucaah, AA nih fianghlang tein a phi pakhatkhat a kan pek a herh, tiah a chimchap.
CC lei nih AA biaruahnak ngeih an duh mi kong he pehtlai in AA lei nih bialehnak an tuah mi a um le um lo fiang in theih a si rih lo.
