CNA le CDF-Mara nih an control mi Matupi peng, Lailenpi khua cu Maraland Defense Force (MDF) nih AA bawmhnak in a laak cang, tiah thawng kan theih.
Lailenpi khua cu aluancia 2023 November thla ah CNA hruai mi Chinland Council ralkap hna nih an rak laak mi a si i, thla 7 hnu ah AA le MDF nih an chuh ṭhan hna hi a si.
Tualchungmi pakhat nih, “Lailenpi khua le a kiangkap cu MDF nih an control cang. Khua kiangkap le lamcung ah ah ral le bomb rap an um le um lo thianhhlimhnak an tuah cuahmah,” tiah a chim.
Interim Maraland Council chimnak nawlngei nih cun, “Mara mipi thinphang thlalau in an um nakhnga lo khua kan chuahtak chung bia a si. Thazaang tampi in an rak kan rat hnawh caah pakhat le pakhat karlak ah kahdohnak a um lo nakhnga chikhat kan hrial hna bia a si,” tiah a chim.
July 13 ah khan AA le MDF cu ral lam hmun 3 in Lailenpi lei ah an rak ra i, Lailente khua ah CNA le CDF-Mara he suimilam pakhat chung an i kap, tiah theih a si.
