A min theih rih lo mi zawtnak phun khat in India ram Andhra Pradesh pengkomh in minung pakhat a thi i, minung 200 hrawng hi sii-inn ah thlop lio an si tiah theih a si.
Hi zawtnak hi Elura khuapi chung in aa thawk mi a si tiah ah ruah. Hi zawtnak in a zaw mi hna cu chikhat teah an lung a mit, thinphang thlalau phun in an thin a tur i lungfim lo in an um tiah sii-inn riantuantu sin in theih a si.
Zei ruang ah dah hi zawtnak hi a chuah timi cu sii-inn lei zong in theih khawh a si rih lo tiah theih a si. Hi mizawt hna hi COVID-19 zawtnak hrik ngei zong an um lo, midam an si ko hna tiah theih a si.
India ram chung ah Andhra Pradesh ramkulh hi zawtnak phun a tam biknak ramkulh a si tiah theih a si i, minung sing 8 hi zawtnak ngei mi an um i, sii-inn zong nih thathi in a tlum hna lonak khuapi pakhat a si.
Ramkulh minister Y.S Jagan Mohan Reddy cozah nih sii-inn ah kal in mizaw hna zohnak zong an ngeih hna tiah theih a si. Tutan ah minung pakhat nih a nunnak aa liampi mi zawtnak hi theih rih lomi a si tiah theih a si. (Ref: VOA)
