Sagaing ramthen, Monywa khua ah chun ni a linh tuk caah May 16 in 19 kar ni li chung ah minung 100 hrawng an thi tiah RFA nih a tial.
Ni li chung ah Monywa khua hrambunh Yone Gyi Mino mi bawmchantu bu nih mithi 70 hrawng le, Thukha Hi Ta chiat ni bawmchantu bu nih mithi 31 an thlah hna i thlanhmun ah an vui hna tiah theih a si.
A thi mi lak ah bawhsem in kum 105 tiang an i tel i, May 19 ni khat lawng ah a thi mi 29 an si tiah thei a si.
“Atu hrawng cu an i naih tuk. Ngaihchia tuk a si mi cu bawhsem tete an thi. A cheu bawhte cu thla li nga lawng an si rih,” tiah Thukha Hi Ta mi bawmchantu bu in tuanvo ngeitu nih a chim.
A thi mi chung ah mi damlo le kum upa tar an tam i a linh an celh lo caah an thih mi a si tiah an chim.
Khuacaan Tahnak lei Zung nih an chuah mi ah cun Monywa khua cu May 16 le 19 ah 40°C (104° F) nak tam in a lin i, May 17 ah cun 45°C (113° F) tiang in a lin tiah theih a si.
