2023 January in April thla tiang kahdohnak pawl ah ralhraang council ralkap 3948 an thi i 1760 hma an pu tiah NUG Cozah, PDF Hmunpi nih nihin May 5 ah a thanh.
SAC ralhraang pawl hmaisuang camp, ralkap column, battalion hmunpi, military command hmunpi, vanlei ralkap hmunpi, ralkap thilri serchuahnak sehzung, vanlawng bual, meirawl haang khonnak, le a dang ralkap hmunpi hna cu drone le rocket in 2023 thla li chung ah kahdohnak kan tuah khawh tiah an tial.
SAC hmaisuang camp, ralkap column le ralkap hmunpi hna cu January in April thla tiang ah drone in kahdohnak voi 193, camp laak kahdohnak voi 44, a biapi mi hmuitinh kahdohnak 26 le a dang kahdohnak voi tampi a cang. Cu kahdohnak pawl ahcun SAC chungtel le an hnuzul 3948 an thi i, 1760 hma an pu tiah an langhter.
Cu kahdohnak hna cu Chinram, Nay Pyi Taw, Sagaing ramthen, Magwe ramthen, Tanintharyi ramthen, Mandalay ramthen, Yangon ramthen, Ayeyarwaddy ramthen, Bago ramthen, Karen ramkulh, Mon ramkulh, Kachin ramkulh, Kayah (Karenni) ramkulh, Shan ramkulh Chaklei le Thlanglei ah a cang mi an si.
Cu pin ah, kahdohnak i aa tel mi SAC ralkap chung thawng hram hna, kahdohnak a tuahtu rammi ralkap hna le hawikom phu hna nan cung ah kan i lawm i upatnak kan in pek hna ti zong an langhter.
