2020 November thla ah tuah ding mi 2020 kum Party tling Democracy thimnak ah Chin Ramkulh chung hmun 1094 ah mee zung an hon lai tiah Ramkulh Thimnak Zung Lutlai Pu Uk Nawl sin in kan theih.
Chin Ramkulh Thimnak Zung Lutlai Pu Uk Nawl nih, “Mee zung hon ding hi Pyidawngsu Cozah sin ah fehter a si cang. Cun, mee zung ca ah hman ding a herh mi thilri mee thlaknak bawm ti bantuk pawl zong an rak kuat dih cang,” tiah The Hakha Post ah a chim.
2020 kum Myanmar ram thimnak ca ah Chin Ramkulh chung in pumtlamtling lo mee peknak nawl a ngei tiah chiah mi minung 3033 le 2020 June 30 tiang i cazin an lak mi chung in mee a pe kho tiah rian ngei hna nih an fehter mi hi pa 166783 le nu 175844 dihlak fonh minung 342627 an si.
