Myanmar Ramkomh Cozah nih Chin Ramkulh Cozah ca ah tangka a thlak mi hi 2019-2020 tangka kum nakin 2020-2021 tangka kum hi a let deng in a tam deuh, tiah Chin Ramkulh Cozah Finance and Planning Minister Pu Vui Kaw nih September 28 ah a chim.
“2020-2021 tangka kum budget hi October 1 bak ah a tla lai. Cucu, Hluttaw zong nih a fehter cang mi a si. Tukum kan budget hi Ramkulh in 144.289 billion a si. Ramkomh in 175 billion hrawng a si. Khual ka tlawn lio a si ca ah a dikfel cun ka chim kho lo nain 2019-2020 tangka kum nak cun 2020-2021 tangka kum budget cu a let dengmang in a tam deuh. Hi budget hi a biapi cu lamsuul ah hman a si lai. Cu hnu ah a herhnak dangdang ah hman an si ko lai,” tiah Minister Pu Vui Kaw nih The Hakha Post ah a chim.
Cozah budget hi October 1 ah a tlak phung cu a si. 2019-2020 tangka kum lio ahcun Chin Ramkulh Cozah budget hi Ramkulh in 127.228 billion le Ramkomh in 136.060 billion lawng a si i 2020-2021 tangka kum tu ahcun Ramkulh in 144.289 billion a si i, Ramkomh in 175 billion hrawng a si, tiah kan theih
