Zinedine Zidane nih a hruaimi hna le a tlaih mi hna Real Madrid Pumpululh celh phu hna cu 2019-2020 LALIGA ah Champion an conak ding mark 2 te lawng aa duh cang tiah thawng kan theih.
Real Madrid hi 2019-2020 LALIGA pumpululh celh zuamnak ah puai 36 an chuih. Puai 36 chung ah puai 25 teinak an hmu, puai 8 an i tluk i puai 3 lawng an sung. Atu ah Mark 83 in a mark tam bik ah an dir. A pahnihnak ah Barcelona nih mark 79 in an dawi ve hna. Barcelona dih in Atletico Madrid nih mark 66 in a pathumnak ah an dir ve.
Real Madrid hi puai 9 an chuihnak ah puai khat hmanh sung rih lo i, LALIGA Champion ding ah an i tlak cem ko tiah Social Media ah a linsa ngai.
LALIGA puai 36nak ah Granada FC he 2020 July 14 ah an chuih i Real Madrid nih Goal 2 goal 1 in an tei hna. Granada le Real hi 2012 thok in puai 13 an chuih cang i a puai 13 ning tein Real nih a rak teipeng hna.
