2019-2020 cacawn kum taanghra camipuai phi cu March 11 in an thok i, ni khatnak Myanmar Subject phi ah minung 1,803 an bau, tiah Ramkulh Fimcawnnak Zung in kan theih.
Chin Ramkulh chung in taanghra a phi mi dihlak minung 12,374 an si. Hakha Peng in a phi mi minung 2019 an si i, a bau mi minung 247 an si. Thantlang Peng in a phi mi dihlak minung 530, a bau mi 89 an si. Falam Peng in a phi mi dihlak minung 1,157, a bau mi 153 an si. Tedim Peng in a phi mi dihlak minung 2,209, a bau mi 228 an si. Tonzang Peng in a phi mi dihlak minung 404, a bau mi 64 an si. Mindat Peng in a phi mi dihlak minung 1,535, a bau mi135 an si. Matupi Peng in a phi mi dihlak minung 1,529, a bau mi 299 an si. Kanpelet Peng in a phi mi dihlak minung 775, a bau mi 114 an si. Paletwa in a phi minung 2,216, a bau mi 474 an si.
Ahnu bik taang 10 camipuai phit a nikhatnak ah Hakha khua chung sianginn cheukhat ah Chin Ramkulh Chief Minister Pu Salai Lian Luai le Minister Pu Pau Lun Min Thanghna nih sianginn ah kal in siangakchia hna sin ah zohfelnak le thazaang peknak an ngei. Chin Ramkulh huap in taanghra a phi mi pa minung 5,189 le nu 7,185 an si. A bau mi pa minung 970 le nu 833 an si. Sii-inn in a phi mi minung 4 an si,tiah Chin Ramkulh Fimcawnnak Zung in kan theih.
