Chin Ramkulh chung 2017-2018 Cacawn Kum taanghra camipuai phit March 12, a ni linak tiang ah siangngakchia 1080 an bau (Absent), tiah Chin Ramkulh Fimcawnnak Zung in thawng kan theih.
2017-2018 Cacawn Kum taanghra camipuai phitnak ah Chin Ramkulh chung in a bau mi cazin cu; Hakha ah 207, Thangtlang ah 52, Falam ah 73, Tedim ah 237, Tonzaang ah 82, Mindat ah 80, Matupi ah 173, Kanpetlet ah 35 le Paletwa ah 141, an dihlak siangngakchia 1080 an si, tiah Chin Ramkulh Fimcawnnak Zung in thawng kan theih.
2017-2018 Cacawn Kum taanghra camipuai phit a ni khatnak (March 7) ah siangngakchia 1574 an bau, a ni hnihnak (Mrach 8) ah siangngakchia 1600 an bau, a ni thumnak (March 9) ah siangngakchia 1621 an bau i a ni linak (March 12) ah siangngakchia a thar in 1080 an bauchap. A ni linak tiang ah a bau mi hi minung 2071 an si cang.
Camipuai phit thawkka ah camipuai a phi mi siangngakchia 10167 an si i taanghra camipuai phitu ding a tang mi siangngakchia 7466 an si.
