Chin Ramkulh in 2017-2018 Cacawn kum tanghra camipuai phit cu March 7 in thawk a si cang i a phi mi siangngakchia 10167 an si, tiah Chin Ramkulh Fimcawnnak Zung in thawng kan theih.
2017-2018 Cacawn Kum tanghra camipuai a phi mi hna cu; BEHS No. 1, Hakha ah 802, BEHS No. 2, Hakha ah 358 le BEHS No. 3, Hakha ah 646 an si. An dihlak Hakha Peng in a phi mi siangngakchia 1806 an si. Thantlang BEHS No. 1 ah tanghra camipuai a phi mi siangngakchia 299 an si. Hakha Pengkomh in tanghra camipuai phi mi siangngakchia 2105 an phi.
Falam BEHS No. 1 ah 572, BEHS No. 2 ah 420 le BEHS Rihkhuadar ah 45 an phi. An dihlak Falam Peng in a phi mi siangngakchia 1037 an si.
Tedim BEHS No. 1 ah 781, BEHS No. 2 ah 776, Tedim BEHS then ah 228 le BEHS Thuklai ah 83 an si. An dihlak Tedim Peng in a phi mi siangngakchia 1868 an si.
Tonzang BEHS ah 234 le Cikha BEHS ah 205 an si. An dihlak Tonzang Peng in a phi mi siangngakchia 439 an si. Falam Pengkomh in tanghra camipuai aphi mi siangngakchia 3344 an si.
Mindat BEHS No. 1 ah 764 le Mindat BEHS No. 3 ah 323 an si. An dihlak Mindat Peng in a phi mi siangngakchia 1087 an si.
Matupi BEHS No. 1 ah 447, BEHS No. 2 ah 377, Lungngo BEHS ah 28, Lailenpi BEHS ah 188 le Rezua BEHS ah 103 an phi. An dihlak Matupi Peng in a phi mi siangngakchia 1143 an si.
Paletwa BEHS No. 1 (A) ah 443, BEHS N0.1 (B) ah 693, BEHS No. 2 ah 326 le Sami BEHS ah 444 an phi. An dihlak Paletwa Peng in tanghra camipuai a phi mi siangngakchia 1906 an si. Mindat Pengkomh in tanghra camipuai a phi mi an dihlak 4718 an si.
Chin Ramkulh chung ah 2017-2018 Cacawn kum tanghra camipuai phi ding in min aa pe mi hi 11741 an si i cu chung in March 7 camipuai phit ni taktak ah a phi mi siangngakchia cu 10167 an si. Siangngakchia 1047 phi thai lo in (Absent) an um, tiah Chin Ramkulh Fimcawnnak Zung in kan theih.
