Chin Ramkulh chung in 2017-2018 Cacawn Kum tanghra a phi ding mi siangngakchia 11753 an si, tiah Chin Ramkulh Fimcawnnak Zung in thawng kan theih
“Nihin tiang cazin kan sin a phan mi ning cun 11753 an si. Asinain, hi chung hin a chap zong aa chap kho a tum zong a tum kho. A ruang cu cazin zohfel than ding mi tete a um rih ca ah a si,” tiah Chin Ramkulh Fimcawnnak Zung in tanghra camipuai a phi ding mi cazin tlaitu nih The Hakha Post ah a chim.
Chin Ramkulh Fimcawnnak Zung ah Chin Ramkulh Pengkip in cazin a phan cang mi hna cu; Hakha in tanghra a phi ding mi siangngakchia 2024, Falam in siangngakchia 1170, Tedim in siangngakchia 2115, Thantlang in siangngakchia 365, Mindat in siangngakchia 1201, Kanpetlet in siangngakchia 667 le Tonzaang in 539, an dihlak siangngakchia 8081 an si, tiah Chin Ramkulh Fimcawnnak Zung in thawng kan theih.
