Union Election Commission (UEC) nih phung ning tein a ngeih mi 2015 party tling democracy thimnak cu kum 5 a luan cang caah 2015 thimnak i an rak hman mi catlap pawl le mee cazin pawl cu mei khangh ding in January 5 ah UEC nih nawl a chuah tiah theih a si.
Thimnak he a pehtlai mi mee cazin pawl le ca tlap hlun pawl hi kum 5 a luan hnu ahcun upadi ning tein mei ah khangh a si tiah theih a si.
Hi kong he pehtlai in Chin ramkulh Commission zung lutlai Pu Uk Nawl nih, “Pyidaungsu Commission Myanmar ram pumpi ning in 2015 lio i mee cazin le catlap pawl cu riantuan ning tein (proceure) mei khangh nakding caah ca rak tin 9dih uh an ti. Cun, kan nih lai tlang zong hi 2015 lio mee cazin pawl le catlap pawl hi mei khangh dingah kan tin lai i, cunglei in khang cang uh tiah nawl a chuah bak in hi mei khangh nakding caah committee kan ser lai i kan tuah colh ve ko lai” tiah The Hakha Post ah a chim.
Myanmar ram, 2015 party tling democracy thimnak i mee cazin le ca tlap hlun pawl cu UEC nih January 5 mei khangh ding in nawl a chuah i, peng cheukhat hna ah cun mei a khang mi zong an um cang tiah theih a si.
